Presidenti ukrainas Volodymyr Zelensky i ka propozuar Rusisë shkëmbimin e politikanit dhe oligarkut ukrainas të arrestuar pro-rus, Viktor Medvedchuk, i konsideruar i afërt me Putin, me ukrainasit e zënë rob nga forcat ruse.
“I propozoj Federatës Ruse të shkëmbejmë “djalin tuaj”me djemtë dhe vajzat tona që tani janë në robëri ruse. Është e rëndësishme që forcat tona të zbatimit të ligjit dhe ushtria gjithashtu ta marrin në konsideratë këtë mundësi, “-tha Zelensky në fjalimin e tij të përnatshëm.
Zelensky gjithashtu paralajmëroi Rusinë se forcat ukrainase do të kapnin më shumë ushtarë.
“Ne do të gjejmë të vërtetën e plotë për gjithë këta. Pavarësisht se sa kohë dhe përpjekje duhet, ne do t’i gjejmë të gjithë. Le të jetë Medvedchuk një shembull për ju,” tha Zelensky. “As ish-oligarku nuk shpëtoi. Çfarë të themi për shumë kriminelë ordinerë nga mesi i askundit rus. Do t’i marrim të gjithë.”
Medvedchuk u arrestua në një “operacion special”, njoftoi Zelensky të martën./Opinion.al
