Bota

Zelensky-Perëndimit: Me armët tuaja do e kishim mbyllur luftën


Bëhu pjesë e Grupit Zyrtar të Opinion.al
>> KËTU <<
               Publikuar në : 08:55 - 20/04/22 |
Opi Nion

Në fjalimin e përnatshëm drejtuar kombit të tij, presidenti ukrainas Volodymyr Zelensky tha se nëse Ukraina do të kishte akses në armë më të mira “të krahasueshme me ato të përdorura nga Rusia, tashmë do të kishte përfunduar lufta”.

Presidenti Zelensky tha se “në të gjitha negociatat me liderët e botës demokratike, është e padrejtë që Ukraina është ende e detyruar të kërkojë atë që partnerët e saj kanë ruajtur prej vitesh, armët”.

Ai tha se nëse këto vende kanë armët dhe municionet që u duhen Ukrainës, “është detyra e tyre morale të ndihmojnë në mbrojtjen e lirisë, për të shpëtuar jetën e mijëra ukrainasve”.

Ai shtoi më tej se nëse vendi i tij merr armët që i janë premtuar në javët e ardhshme, do të shpëtohen jetët e mijëra njerëzve.

Presidenti Zelensky shtoi se intensiteti i të shtënave ruse në Kharkiv në Donbas dhe në rajonin e Dnipropetrovsk është rritur, madje duke synuar strukturat civile.

“Fati i dhjetëra mijëra banorëve të Mariupolit që u zhvendosën në territoret e kontrolluara nga Rusia nuk dihet”, tha Zelensky.

Kjo deklaratë vjen pasi ministria e mbrojtjes e Rusisë u ka lëshuar një ultimatum të ri trupave ukrainase në qytetin e rrethuar të Mariupolit për të lënë armët.

Pas