Ndërsa Stambolli pret nesër grupet negociatore nga Ukraina dhe Rusia, në një intervistë për mediat e pavarura ruse, Presidenti ukrainas, Volodymyr Zelensky, tha se Kievi është gati të diskutojë miratimin e një statusi neutral, një nga kushtet kryesore të Rusisë për të ndaluar luftën. “Garanci për sigurinë, regjimi jo bërthamor, ne jemi të gatshëm të diskutojmë për neutralitetin. Kjo është pika më e rëndësishme,” thotë Zelensky në një video-telefonatë.
Megjithatë, gjatë intervistës Zelensky theksoi se në rast dakordësie për neutralitet, Ukraina duhet të marrë garanci nga palët e treta dhe populli do të pyetet në një referendum nëse e dëshiron këtë status.
Duke folur në rusisht, presidenti i Ukrainës tha se edhe përdorimi I gjuhës ruse është diskutuar gjatë bisedimeve të paqes, por shtoi se vendi i tij refuzon të diskutojë kërkesën për çmilitarizim./Opinion.al
