Në fjalimin e tij të mbrëmjes, Volodymyr Zelensky u bëri thirrje ukrainasve që të ndihmojnë Forcat e Armatosura në mbrojtjen e pozicionit të Ukrainës në arenën ndërkombëtare.
“Për të fituar, ne duhet që secili nga ne të punojmë për këtë. Të ndihmojmë ushtrinë. Të mbrojmë nevojat e shtetit tonë në të gjitha platformat ndërkombëtare në të cilat keni akses, në komunikim me gazetarë të huaj, edhe me miqtë dhe të njohurit e tu jashtë vendit”,-tha ai.
Ai vuri në dukje se Ukraina po përballet me javë të vështira.
Sipas tij, situata më e keqe e luftimeve sot është në zonën e Donbasit në juglindje të Ukrainës.
“Bakhmut, Popasna, Severodonetsk – në këtë drejtim pushtuesit kanë përqendruar aktivitetin më të madh deri më tani. Ata kanë bërë një masakër atje dhe po përpiqen të shkatërrojnë të gjitha gjallesat. Fjalë për fjalë. Askush nuk e shkatërroi Donbasin siç po bën tani ushtria ruse”,-tha presidenti.
“Por ne nuk kemi alternativë veçse të luftojmë. Të luftojmë dhe të fitojmë. Të çlirojmë tokën dhe popullin tonë. Sepse pushtuesit duan të na marrin jo vetëm diçka, por gjithçka që kemi. Përfshirë të drejtën e jetës për ukrainasit”,-tha Zelensky./Opinion.al
