Presidenti i Ukrainës, Zelensky ka thënë se një sulm rus në termocentralin bërthamor të Zaporizhzhya mund të kishte shkaktuar shkatërrim të barabartë me “gjashtë Çernobilë”.
Në një fjalim televiziv ai tha: “Njerëz të Ukrainës! Ne i mbijetuam natës që mund të kishte ndaluar rrjedhën e historisë – historinë e Ukrainës, historinë e Evropës.”
Ai tha se Rusia e dinte se çfarë po bënte kur goditi me predha direkt në stacion dhe e quajti atë një akt “terrori në një nivel të padëgjuar”.
Duke iu drejtuar popullit rus ai thotë: “Si është e mundur kjo? A nuk i luftuam së bashku pasojat e katastrofës së Çernobilit në 1986?”
Ai u kërkon atyre që “të dalin në rrugë dhe t’i thonë qeverisë së tyre se ju dëshironi të jetoni”.
Zelensky thotë se është në kontakt me liderët botërorë, të cilët tha se ishin “të tronditur” nga zhvillimet rreth termocentralit./Opinion.al
