Presidenti i Ukrainës, Volodymyr Zelensky, po zhvillon një vizitë zyrtare në Poloni, pasi shteti anëtar i NATO-s i dorëzoi avionët e parë të luftës.
Zelensky i shoqëruar nga bashkëshortja e tij, u pritën me nderime ushtarake nga presidenti polak, Andrzej Duda.
Në një konferencë të përbashkët në Varshavë, kreu i shtetit i dorëzoi presidentit ukrainas “Urdhrin e Shqiponjës së Bardhë”.
“Është nderimi më i lartë dhe më i vjetër i Polonisë. Pa asnjë dyshim, e dimë se ju bashkë me rezistencën heroike të popullit ukrainas do ta shpëtoni Ukrainën nga agresioni rus”, tha presidenti polak.
Ndërkohë Zelensky falënderoi Presidentin Duda për mbështetjen që vendi i dha Ukrainës gjatë pushtimit rus. Kujtojmë se për presidentin ukrainas, kjo ishte hera e parë e një vizite zyrtare në Poloni që prej nisjes së luftës, shkurtin e kaluar./Opinion.al
