Volodymyr Zelensky miratoi përpjekjet e Donald Trump për t’i dhënë fund luftës në Ukrainë “sa më shpejt të jetë e mundur” në një takim të papritur të organizuar nga Emmanuel Macron përpara rihapjes së Notre-Dame.
Të tre liderët u takuan të shtunën në Pallatin Élysée për të diskutuar bashkëpunimin e tyre.
Presidenti i zgjedhur gjithashtu takoi Princin e Uellsit gjatë ceremonisë, në kontaktin e tij të parë me familjen mbretërore që nga largimi i detyrës në 2021.
Ata do të takoheshin zyrtarisht më vonë të shtunën në mbrëmje për të diskutuar “marrëdhëniet speciale” midis Britanisë dhe SHBA-së.
Macron mirëpriti 40 liderë botërorë në rihapjen e Notre-Dame, pesë vjet pasi pjesë të katedrales u dogjën nga zjarri.
Këmbanat e katedrales ranë duke përshëndetur përfundimin e një rindërtimi prej 630 milionë paund, për të cilin Macron tha se dëshmoi se Franca mund të “arrinte të pamundurën”.
Pas takimit me Trump, Zelensky tha se kishin rënë dakord të ndiqnin një “paqe të drejtë”, duke përsëritur thënien e presidentit të zgjedhur të SHBA për “paqe përmes forcës”.
“Të gjithë duam që kjo luftë të përfundojë sa më shpejt dhe në mënyrë të drejtë. Ne folëm për njerëzit tanë, situatën në terren dhe një paqe të drejtë”, u shpreh Zelensky.
