Presidenti ukrainas Volodymyr Zelensky ka deklaruar se është gati të flasë me homologun rus Vladimir Putin, por pa ndërmjetës. Kështu është shprehur Zelensky për kanalin televiziv italian Rai 1.
Ai tha se do të bisedojë me presidentin rus për kushtet e dialogut dhe jo për ultimatumet e vendosura prej tij.
Zelensky tha se “hapi i parë” për mbajtjen e bisedimeve është që Rusia të tërheqë të gjitha trupat e saj nga Ukraina.
Ai shtoi se në rast se do të ketë masakra të tjera në Ukrainë si ajo në Bucha, Borodyanka apo Mariupol, do të jetë më pak tolerant do të jetë ai ndaj çdo negociate me Rusinë.
Ukraina dhe Rusia nuk kanë zhvilluar bisedime ballë për ballë që nga 29 marsi dhe kryenegociatori i Moskës, Vladimir Medinsky, që atëherë ka thënë se bisedimet e paqes po mbaheshin nga distanca.
