Bota

Zelensky, i pakënaqur me sanksionet e reja ndaj Rusisë: Ndalni naftën ruse


Bëhu pjesë e Grupit Zyrtar të Opinion.al
>> KËTU <<
               Publikuar në : 08:37 - 07/04/22 |
Opi Nion

Presidenti ukrainas Volodomyr Zelensky i ka cilësuar sanksionet e fundit të vendosura ndaj Rusisë të pamjaftueshme.

Në fjalimin e tij të fundit, Zelensky i bën thirrje perëndimit të shkojë më tej dhe të ndalojë importin e naftës ruse.

Ai thotë se dështimi për të rënë dakord mbi një embargo të naftës ruse po i kushton jetë njerëzve ukrainas.

Rusia është prodhuesi i tretë më i madh i naftës në botë, dhe më shumë se gjysmën e saj e eksporton drejt Evropës.

Importet ruse përbëjnë 8% të kërkesës totale të naftës në Mbretërinë e Bashkuar dhe 3% në SHBA.

Zelensky thotë se Kremlini po fiton aq shumë nga eksportet e naftës sa nuk ndjen të domosdoshme që t’i marrë seriozisht negociatat e paqes.

Ai shton se do të vazhdojë të këmbëngulë që bankat ruse duhet të shkëputen tërësisht nga sistemi financiar ndërkombëtar.

Me sanksionet e reja u goditën disa nga bankat më të mëdha të Rusisë si dhe familjarët e ngushtë të presidentit Putin dhe ministrit të Jashtëm Sergej Lavrov./Opinion.al

Pas