Presidenti i Ukrainës, Volodymyr Zelensky është shprehur se bisedimet e paqes me Rusinë kanë filluar të duken më realiste.
Në një video të publikuar së fundmi, Zelensky tha: “Takimet vazhdojnë dhe jam i informuar që qëndrimet gjatë negociatave tashmë duken më realiste. Por duhet ende kohë që vendimet të jenë në interes të Ukrainës.”
Më herët, një zyrtar i lartë ukrainas tha se bisedimet me Rusinë ishin shumë të vështira, por “sigurisht kishte hapësirë për kompromis”.
Ata thanë se negociatat do të vazhdojnë të mërkurën.
