Presidenti ukrainas, Volodymyr Zelenskiy, tha se do të ishte “absurde” nëse Ukraina nuk do të ftohej për t’u bërë anëtare e NATO-s dhe se pasiguria mbi anëtarësimin e saj ishte motivim për Rusinë që të “vazhdonte terrorin e saj”.
Me anë të një postimi në Twitter, Zelenskiy thotë se Ukraina meriton respekt, duke shtuar se duket se ende vendet e aleancës nuk janë të gatshmë për ta ftuar Ukrainën të pjesë e aleancës.
Ai thekson se kjo gjë i jep mundësinë Rusisë të vazhdojë terrorin e saj dhe bën me dije se këtë çështje do ta diskutojë hapur në samit.
“Ne i vlerësojmë aleatët tanë. Ne e vlerësojmë sigurinë tonë të përbashkët. Dhe ne gjithmonë vlerësojmë një bisedë të hapur. Ukraina do të përfaqësohet në samitin e NATO-s në Vilnius. Sepse bëhet fjalë për respekt.
Por Ukraina gjithashtu meriton respekt. Tani, rrugës për në Vilnius, morëm sinjale se disa formulime po diskutohen pa Ukrainën. Dhe dua të theksoj se ky formulim ka të bëjë me ftesën për t’u bërë anëtare e NATO-s, jo për anëtarësimin e Ukrainës.
Është e paprecedentë dhe absurde kur afati kohor nuk është caktuar as për ftesën dhe as për anëtarësimin e Ukrainës. Ndërsa në të njëjtën kohë formulimi i paqartë për “kushtet” shtohet edhe për ftesën e Ukrainës.
Duket se nuk ka gatishmëri as për të ftuar Ukrainën në NATO dhe as për ta bërë atë anëtare të Aleancës. Kjo do të thotë se po lihet një dritare mundësie për të negociuar anëtarësimin e Ukrainës në NATO në negociatat me Rusinë. Dhe për Rusinë, kjo do të thotë motivim për të vazhduar terrorin e saj.
Pasiguria është dobësi. Dhe këtë do ta diskutoj hapur në samit”, shkruan Zelenskiy.
Ndërkohë anëtarët e NATO-s kanë rënë dakord se Ukraina nuk mund të bashkohet gjatë luftës, ata ende nuk kanë rënë dakord se sa shpejt mund të ndodhë më pas dhe në çfarë kushtesh.
We value our allies. We value our shared security. And we always appreciate an open conversation.
Ukraine will be represented at the NATO summit in Vilnius. Because it is about respect.But Ukraine also deserves respect. Now, on the way to Vilnius, we received signals that…
— Володимир Зеленський (@ZelenskyyUa) July 11, 2023
