Zelanda e Re do të dërgojë të mërkurën një avion transporti C-130H të quajtur “Herkuli” me 50 personel mbështetës që do të qëndrojë në Evropë për dy muaj. Lajmi është dhënë nga qeveria e qeveria e Zelandës së Re përmes një deklarate.
Ekipi do të udhëtojë në të gjithë Evropën duke transportuar pajisje dhe furnizime në qendrat e shpërndarjes së ndihmave për Ukrainën, por nuk do të hyjë në territorin e saj.
Kryeministrja Jacinda Ardern tha se Zelanda e Re “do të ndihmojë ushtrinë e Ukrainës për të zmbrapsur pushtimin brutal rus, sepse paqja në rajonin e Evropës është thelbësore për stabilitetin global”.
“Një sulm i tillë flagrant ndaj sovranitetit të një vendi është një kërcënim për të gjithë ne dhe kjo është arsyeja pse edhe ne kemi një rol për të luajtur,” tha ajo.
Zelanda e Re po kontribuon gjithashtu 8.8 milionë dollarë në mbështetje të mëtejshme për të ndihmuar Ukrainën që të sigurojë pajisje për ushtrinë e saj nëpërmjet Mbretërisë së Bashkuar, thuhet në deklaratë./Opinion.al
