Duke folur për tërheqjen e mjekut Ilir Alimehmeti nga balotazhi i primareve, analisti Fitim Zekthi tha se ai përfaqësonte një mendim ndryshe dhe duhet të mbronte vokacionin.
“Mendoj se Alimehmeti kishte një pikëpamje ndryshe, një vokacion ndryshe dhe përfaqësonte një korrent ndryshe nga korrenti zyrtar i formacionit politik, që përfaqëson zoti Këlliçi.
Nuk ka kuptim që njeriu që përfaqëson një ide ndryshe, bën një llogari dhe thotë: unë po dal. Nuk di raste në partinë franceze apo në Gjermani, kur dikush del dobët tërhiqet nga gara. Mbrohet vokacioni.
Për mua, këto nuk janë primare, ose janë një dështim i rëndë i primareve. Kur kryhen në botë marrin pjesë 10% e popullatës. Tirana ka 8000 mijë banorë, në botë marrin 10% e banorëve në primare. Primaret nuk janë strukturë e partisë.
Kur njeriu ka një vokacion brenda një spektri nuk mundet për shkak të votave të tërhiqet”, tha Zekthi. Në vijim të logjikës së tij, ai pohoi se nëse do të intensifikonte fushatën Alimehmeti edhe mund të fitonte.
“Po të bëhej fushata më intenstive mund të fitonte. Ai përfaqësonte diçka ndryshe, për mua më e mirë nga ajo që përfaqëson zyrtarisht PD. Dhe duhet ta mbronte deri në fund”, tha Zekthi./Opinion.al
