Apple ka shpërblyer një adoleshent në SHBA sepse zbuloi defektin e aplikacionit “FaceTime” dhe iu dërgoi rreth 118 emaile kompanisë, për t’i vënë në dijeni. Sipas “BBC” Apple nuk ka treguar çfarë dhurate zgjodhi për 14-vjeçarin Grant Thompson, por mendohet se ka paguar shkollimin e tij.
Grant Thompson zbuloi se personave që iu shkonte thirrja në FaceTime për bisedë në grup, mund të përgjoheshin edhe nëse këta të fundit nuk e kishin pranuar ende telefonatën. Ai e konsideroi këtë një defekt të tmerrshëm ndaj insistoi derisa mori përgjigje nga gjigandi i teknologjisë.
Pas vënies në dijeni Apple falenderoi përzemërsisht të riun dhe çaktivizoi momentalisht opsionin e bashkëbisedimit në grup mes disa personave në FaceTime, ndërsa po merret me rregullimin e problemit.
Edhe pse ky problem po diskutohej fillimisht në rrjetet sociale u desh vënia në dijeni dhe insistimi i 14-vjeçarit Grant për t’u marrë seriozisht nga kompania./E.M
