Të tjera detaje janë zbardhur nga dosja hetimore për celulën terroriste që planifikonte një sulm ndaj anëtarëve të MEK, të vendosur në zonën e Manzës në Shqipëri.
Sipas “News24”, shënjestra e sulmit ishte numri dy i MEK, shtetasi Mehdi Abrishamshi. Për celulën terroriste kanë nisur hetimet parakatër vitesh dhe si synim kishte sulmet ndaj MEK në vendin tonë.
“SPAK po kryen hetime prej katër vitesh për një celulë, që po planifikonte sulm ndaj MEK në Shqipëri. Më 2019 godit një celulë terroriste. News24 ka zbuluar dosjen e plotë hetimore, ku rezulton se celula terroriste me shumë gjasë do të kishte në shënjestër numrin 2 të MEK, Mehdi Abrishamshi. Sipas të dhënave të SPAK, rezulton se ai ka qëndruar në Shqipëri për një kohë të gjatë, ku dyshohet se ai mund të ishte në shënjestër të celulës. Rezulton se celula terroriste kishte në përbërje të saj jo vetëm anëtarë të Gardës iranian, por edhe ish-anëtarë të MEK, që dyshohet se jepnin informacion. Sipas të dhënave të hetimit, rezulton se anëtarët e celulës bënin vëzhgime të anëtarëve të MEK në Shqipëri”, tha gazetarja Klodiana Lala.
