Prokuroria e Shkodrës ka urdhëruar ndalimin e 18 personave për kultivim droge, mes tyre dhe dy kryepleq të Njësisë Administrative Pult, një efektiv i Forcave Speciale.
Në kuadër të këtij procedimi penal, në kohë të ndryshme gjatë muajve të fundit, kultivuesve u janë identifikuar dhe shkatërruar parcela, me rreth 100 mijë rrënjë kanabis.
Në bazë të veprimeve hetimore, Prokuroria e Shkodrës konkludoi se kush ishin personat e përfshirë në këtë aktivitet kriminal, për të cilët ditën e djeshme janë ekzekutuar urdhër-ndalimet nga policia e Shkodrës.
Personat e arrestuar
1. Dritan Lisaj, kryeplak, Njësia Administrative, Pult, Shkodër
2. Gjin Lushi, kryeplak, Njësia Administrative, Pult, Shkodër
Të dy të dyshuar për “kultivim të lëndëve narkotike” dhe “Shpërdorim detyre”
3. Ardian Loci, efektiv i Forcave të Ndërhyrjes së Shpejtë, i dyshuar se dekonspironte aksionet policore. Ky i dyshuar është ndaluar nga SHÇBA.
Të ndaluarit e tjerë janë kultivues të lëndës narkotike, kryesisht banorë të zonës, të cilët kanë shfrytëzuar parcelat e tyre për mbjelljen e bimës narkotike cannabis sattiva.
