Agjentët e Gardës Civile Spanjolle, kanë zhvilluar një operacion të koduar “Lomas” dhe kanë goditur një grup kriminal të dedikuar për kultivimin e marijuanës në ambiente të mbyllura në qytetin Alhaurín el Grande. Si rrjedhojë e këtij operacioni kanë rënë në pranga tre persona.
Hetimi filloi në vitin 2023 kur agjentët morën dijeni për ekzistencën e një grupi personash me origjinë shqiptare, të cilët mund të kultivonin marijuanë brenda një ferme të madhe të vendosur në qytetin e Alhaurín el Grande, ka treguar Garda Civile në një deklaratë.
Kështu, pas përpjekjeve të kryera, ata konfirmuan ekzistencën e një plantacioni të vendosur në dy banesa të ndryshme brenda së njëjtës prone, në të cilin ndërhynë dhe gjetën 795 bimë të mëdha marihuanë, si dhe rreth 4.7 kilogramë sytha të së njëjtës lënde te paketuar me vakum dhe gati per shitje.
Plantacioni, i cili ishte i lidhur ilegalisht me rrjetin elektrik, kishte një instalim të madh dhe të sofistikuar, ku vetëm llambat e përdorura vlerësoheshin në më shumë se 20,000 euro.
Po kështu, në kontrollin e kryer u arrestuan dy persona me origjinë shqiptare dhe një i tretë me origjinë çeke i përfshirë në ngjarje.
Konkretisht, ata janë arrestuar për veprat penale të anëtarësimit në organizatë kriminale, trafik droge dhe mashtrim me energjinë elektrike.
