Në dokumentet e klasifikuara të organizatës sunite palestineze, të cilat ranë në posedim të rrjetit televiziv amerikan NBC përshkruhet fytyra e frikshme e Hamasit.
Ndërsa planet e tij për të pushtuar Izraelin dhe mënyra e organizimit zbulohen gradualisht, dokumentet e reja përfshijnë harta ajrore të sulmeve ndaj shkollave dhe një qendre rinore në kibutz Kfar Saad.
Planet e sulmit, të quajtura “tepër sekret” në arabisht, duket se janë urdhër për dy njësi të trajnuara të Hamasit për të rrethuar dhe depërtuar fshatrat dhe për të synuar vendet ku mblidhen civilët.
Forcat izraelite të mbrojtjes konfirmuan të shtunën se më shumë se 120 civilë janë mbajtur rob nga Hamasi në Gaza. Dokumentet e gjetura në trupat e operativëve të Hamasit nga reaguesit e parë të Izraelit përfshinin harta të detajuara dhe treguan se Hamasi synonte të vriste ose të mbante si pengje civilë.
Sipas planit, njësitë e Hamasit u drejtuan për të “vrarë sa më shumë të jetë e mundur”. Përveç kësaj, njësive të Hamasit iu kërkua të rrethonin një sallë ngrënieje dhe të mbanin pengje në të. Plani për të sulmuar Kfar Sa’ad është pjesë e dokumenteve që po analizohen nga zyrtarët izraelitë, raportoi NBC.
Sipas zyrtarëve izraelitë, dokumentet zbuluan se Hamasi kishte mbledhur sistematikisht informacione për çdo kibuc që ndan kufijtë me Gazën dhe kishte krijuar plane specifike sulmi për çdo fshat që përfshinte shënjestrimin e qëllimshëm të grave dhe fëmijëve.
Dokumentet treguan se dy njësi të Hamasit do t’i afroheshin Kfar Sa’ad nga dy pika të ndryshme grumbullimi.
Kujtojmë se Kibbutz Kfar Aza ishte një nga rajonet më të goditura në sulmin e 7 tetorit ndaj Izraelit./Opinion.al
