Një ekip arkeologësh kanë gjetur vizatimin e parë, në jugperëndim të Francës, përshkrim i ciklit të jetës së njeriut të parë, me anë të kafshëve në një pllakë guri.
Sipas një hulumtimi të botuar në revistën Kuaternarit Ndërkombëtar, objekti u krijua nga njerëzit e parë për të emigruar nga Afrika në Euroazin perëndimore mes 40.000 dhe 50.000 vjet më parë.
Gdhendja është e konsideruar deri më tani si e para dhe është një bizon, një lopë e egër, e cila mendohet se ka qenë babai i të gjitha kafshëve.
Profesori i Universitetit të New York-ut, antropologu Randall White, i cili udhëhoqi ekspeditën, tha se imazhi nuk ishte i qartë sepse çdo figurë ishte e gdhendur me pika, teknika e përdorur ishte abstrakte por mund të dalloje bisonin në të dhe këmbët e para.
Arkeologët konfirmojnë se objekti ka një moshë 38.000 vjeçare dhe rreth 1.000 vjet më e vjetër se çdo pikturë tjetër e njohur mbi kafshët. Studiuesit tregojnë se ajo është në gjëndje mjaft të mirë.
Mendohet se ky objekt ka qenë i krijuar në një vend të shenjtë për njerëzit e asaj periudhe, të barazuar me epokën e Neandertalit.
Kjo pjesë e artit të lashtë na bën të kuptojmë se njerëzit e hershëm krijonin art për të ruajtur veprimtarinë e jetës së tyre të përditshme.
Ndërsa arkeologët janë të ngazëllyer për zbulimin dhe sipas tyre ka ende shumë për të mësuar në lidhje me jetën e atij populli aq të hershëm./opinion.al
