Në zonat malore të Tepelenës është zbuluar sërish kanabis. Policia thotë se në një zonë të pyllëzuar në fshatin Gllavë, gjatë kontrollit të territorit u gjetën të kultivuara bimë narkotike të llojit Cannabis Sativa.
Punohet për identifikimin dhe kapjen e autorit. Por ndërkohë policia nuk bën me dije numrin e bimëve të zbuluara.
A ishin sipërfaqe të konsiderueshme apo flitet për një sasi të vogël? Kryesisht gjatë muajit korrik në fshatrat e Tepelenës janë evidentuar disa raste të kultivimit të kanabisit.
