Varianti britanik i COVID-19 është zbuluar në Corzano, një fshat me 1,400 banorë në rajonin e Brescias në Lombardi. Ekspertët thonë se situata, për momentin, nuk duket se tregon shenja të përmirësimit pasi 10% e popullsisë është e infektuar.
” 60% e rasteve pozitive janë nxënës të shkollës fillore dhe kopshtit që nga ana tjetër kanë infektuar familjarët e tyre”, shpjegoi për ANSA kryetari i Bashkisë Giovanni Benzoni, gjithashtu pozitiv, i cili tashmë ka vendosur të mbyllë shkollat deri më 8 shkurt, masë që me siguri do të zgjatet.
Sipas ANSA, autoritetet po shqyrtojnë mundësinë e mbylljes së rajonit: ” Në orët e fundit kemi pasur vetëm një rast më shumë – komenton Benzoni. Të gjitha familjet janë në izolim dhe presim që kurba të ulet përsëri ”, tha ai./Opinion.al
