Mediat janë ende në kërkim të gruas me të cilën Jay-Z ka patur një histori dashurie, histori e cila vuri në rrezik martesën e tij me Beyoncé dhe e bëri këtë të fundit t’i dedikojë një album të tërë.
Amber Rose, ish e dashura e Kanye West e cila ka një fëmijë me reperin tjetër Wiz Khalifa, ka ndezur sërish thashethemin, pikërisht tani që çifti duket se ka gjetur paqe. “Gwyneth Paltrow ka qenë e dashura e Jay-Z,” deklaron Rose.
Përmes zëdhënëses së saj, aktorja ka përgënjeshtruar zërat duke thënë: “Historia është tërësisht absurde dhe false 100%”. Amber Rose ka folur gjatë një interviste dhënë për “Make Speidi Famous Again”, nga Heidi Montag dhe Spencer Prat dhe ka shtuar: “Mendoj se Gwyneth ka qenë e dashura e Jay-Z. Në të shkuarën ajo dhe Beyonce kanë qenë mikesha dhe papritur, nuk i pamë më bashkë. Më pas, në kohën e tradhëtisë, Gwyneth sapo ishte ndarë nga ish bashkëshorti i saj Chris Martin”.
Në rrjetet sociale ishin shumë të forta kritikat kundër aktores, fituese e çmimit Oscar për filmin “Shakespeare in Love”, e cila ndërhyri për të përgënjeshtruar kategorikisht rrëfimin, duke thënë: “Historia është tërësisht absurde dhe false 100%, ka thënë zëdhënësja e saj. Gwyneth, Beyoncé dhe Jay-Z janë ende miq të ngushtë dhe asnjë nga këto hamendësime nuk ka kuptim.”
Në të shkuarën, emrat që dyshoheshin si të dashurat e mundshme të Jay-Z gjatë kohës së tradhëtisë ishin Rihanna, Rita Ora dhe dizenjuesja e modës Rachel Roy, ndërsa Gwyneth është përfolur si një nga aktoret e Hollywoodit e cila është bërë e famshme sepse ka kryer marrëdhënie me Harvey Weinstein.
