Njësoj si një skenë filmi. Marina kolumbiane ka hasur në një pamje rrëqethëse kur zbuloi një nëndetëse “fantazmë” brenda së cilës gjeti dy trupa të pajetë – së bashku me kokainë me vlerë më shumë se 87.7 milionë dollarë.
Zyrtarët vlerësuan se kishte më shumë se 2.6 ton kokainë në anijen 49 metra të gjatë, e cila u gjet duke lundruar në Oqeanin Paqësor të dielën.
Dy të mbijetuar u gjetën gjithashtu të cilët kishin nevojë për kujdes shëndetësor.
“Pasi u gjet pajisja e paligjshme, personeli ushtarak gjeti dy individë në kushte të rënda shëndetësore në pjesën e jashtme të anijes”, tha në një deklaratë Ministria e Mbrojtjes Kombëtare e Kolumbisë.
Të dy të mbijetuarit – si dhe kufomat dhe sasia e drogës– u transportuan në komunën e Tumaco-s, “ku u paraqitën në Trupat e Hetimit Teknik të Prokurorisë së Përgjithshme”, përfundon deklarata.
Qeveria kolumbiane promovoi përpjekjet e marinës për të parandaluar trafikimin e drogës, duke vlerësuar se ajo mbajti më shumë se 6 milionë doza jashtë tregut të paligjshëm.
