Një vajzë 17-vjeçare është identifikuar si ideatorja dhe krijuesja e lojës vetëvrasëse “Balena Blu”. Adoleshentja ruse është arrestuar nga policia pas vetëvrasjeve të shumta nga fëmijët që luanin këtë lojë. Identiteti i saj nuk është bërë i ditur për arsye hetimore.
17-vjeçarja kërcënonte fëmijët që luanin “Balenën Blu” që të mos tërhiqeshin, në të kundërt do t’i vriste ata ose anëtarët e tyre të familjes.
Policia arrestoi pranë Moskës edhe një djalë 21-vjeçar, i akuzuar se ka nxitur vajzat e mitura për t’i dhënë fund jetës së tyre. Gjatë muajit qershor, në Rusi u arrestua edhe një tjetër adoleshent që ishte pjesë e administratorëve të lojës vetëvrasëse.
Loja online vetëvrasëse “Balena Blu” preku disa shtete të Evropës, mes të cilave edhe vendin tonë. /tvklan.al
