Dy shqiptarë, një 51-vjeçar dhe djali i tij 16-vjeçar, janë denoncuar së fundmi për mashtrim në dëm të shtetit italian nga efektivë të policisë së Milano Marittima (pjesë e komunës së Cervia-s në provincën e Ravenas, Itali).
Hetimet nisën pak ditë më parë, pasi minoreni, i vetëm, iu dorëzuar karabinierëve të Milano Marittima, teksa me vete kishte një pasaportë shqiptare.
Duke pasur parasysh gjendjen në të cilën ndodhej fëmija: i braktisur dhe fjalëpakë, u aktivizuar shërbimet sociale të komunës së Cervia-s, që i gjetën strehim 16-vjeçarit në një shtëpi fëmije, në pritje të identifikimit të prindërve të tij në Itali, ose përndryshe të kryej riatdhesimi i tij.
Hetimet kanë zbuluar se një javë më parë, babë e bir kishin zbarkuar në Bari, duke deklaruar se kishin ardhur për “turizëm”.
