Zbulohet një lokal nate në zonën e “Komunës së Parisit” në Tiranë ku konsumohej kokainë. Në operacionin e koduar “Befasia” ku është përdorur edhe qeni antidrogë, policia arrestoi pronarin elokalit.
Policia kishte marrë informacione se në rrugën “Medar Shtylla” ndodhej një lokal ku dyshohej se persona të ndryshëm që frekuentonin ketë ambient përdornin lëndë narkotike kokainë. Gjatë kontrollit në ambientet e këtij lokali u gjet dhe sekuestrua 1 qese me kokainë.
Po nga kontrolli i ushtruar në tavolinat e lokalit, në afërsi të një tavoline është gjetur dhe sekuestruar një qese tjetër me lëndë narkotike kokainë dhe në një ambient tjetër të këtij lokali është gjetur dhe një fishek luftarak.
“Nga veprimet hetimore të kryera nga Specialistët për Hetimin e Narkotikëve në Drejtorinë Vendore të Policisë Tiranë, rezultoi se pronari i lokalit shtetasi R.P., kishte përshtatur lokalin për tregtim dhe përdorim të drogave të forta kryesisht Kokainë”, thekson policia.
Gjithashtu u proceduan në gjendje të lirë dy punonjës të lokalit për veprën penale “Moskallëzim krimi” dhe një shtetas tjetër, klienti i lokalit, për veprën penale ”Prodhimi dhe shitja e narkotikëve”./ Opinion.al
