Zbulohet identiteti i “zezakut”, shqiptarit që u vra para shtëpisë në Greqi

Është zbuluar identiteti i 37-vjeçarit shqiptar, i cili u ekzekutua me 5 plumba në Greqi pak pas mesnatës së të mërkurës.
Bëhet fjalë për Erald Jonuzin, i cili u qëllua për vdekje sapo kishte dalë nga makina për të hyrë në pallatin ku banonte në rrugën Vizyinou në Evosmos.
Sipas raportimeve, 37-vjeçari është personazh i njohur në Korçë, ku njihet me pseudonimin “Zezaku”. Ai ka pasur precedentë penalë në vitin 2009 për kalim te paligjshëm të kufirit dhe falsifikim.
Mësohet se ai gjithashtu thirrur si dëshmitar lidhur me vrasjen e Pëllumb Collakut në vitin 2009, shokut të tij të fëmijërisë të ekzekutuar nga Mjallaq Pergjika.
Krimi i rëndë ndodhi pak pas mesnatës të së mërkurës (27 korrik) kur 37-vjeçari po shkonte vetëm në shtëpi. Pasi parkoi makinën u drejtua drejt hyrjes së pallatit aty ku e prisnin atentatorët.
Vrasësit kanë qëlluar disa herë drejt 37-vjeçarit dhe ambulanca është njoftuar nga një banor që ka dëgjuar të shtënat.
Ai është dërguar në spital por nuk arriti t’iu mbijetonte plagëve të marra. Policia gjeti në vendin e ngjarjes 4 gëzhoja pistolete.
Dyshohet se ngjarja ndodhi për larje hesapesh mes bandave rivale.