Personi i ndaluar si i dyshuar për vrasjen e tre personave në një park në Reading të Anglisë është Khairi Saadallah.
25-vjeçari u arrestua në vendin e ngjarjes dhe policia thotë se ata nuk kanë shpallur njeri tjetër në kërkim për ngjarjen terroriste.
Burime të BBC-së thonë se ai është me origjinë nga Libia por jetonte dhe banonte në Reading.
Kryeministri Boris Johnson tha se ai ishte “i mërzitur dhe i shokuar” nga sulmi në mbrëmjen e të shtunën.
Ai gjithashtu premtoi veprim “nëse ka mësime që duhet të mësojmë”.
Ndihmësi i Komisionerit të Policisë Metropolitane Neil Basu, kreu i policisë kundër terrorizmit, e përshkroi atë si një “mizori”.
Ai shtoi se hetuesit nuk po kërkojnë askënd tjetër në lidhje me sulmin.
Një dëshmitar i tha BBC se ai pa një burrë duke lëvizur mes grupeve të njerëzve në parkun në qendrën e qytetit Reading, duke u përpjekur t’i vriste me thikë.
Tre persona të tjerë u plagosën nga sulmi, i cili u zhvillua rreth orës 19:00 me orën lokale.
Nga tre të plagosurit vetëm një ndodhet në spital, megjithëse dëmtimet nuk mendohet se janë të rrezikshme për jetën. /Opinion.al
