Bledar Jambelli nga Fieri është porositësi i vrasjes së kryekomisarit Artan Cuku. Ai është shpallur në kërkim ndërkombëtar, por ende nuk ka detaje se ku mund të qendrojë i fshehur, raporton news 24.
Në vitin 2013, Artan Cuku asokohe drejtor i policisë Vlorë e kishte arrestuar Jambellin si autor te dyshuar per nje vrasje.
Bledar Jambelli, i njohur ndryshe me emrin Rikard Muho ishte shpallur ne kerkim per disa vrasje te dyshuara ne vitin 2006.
“Policia e Vlorës njofton se ka ekzekutuar vendimin penal të datës 7 janar të Gjykatës së Rrethit Gjyqësor Vlorë për shtetasin Bledar Jambelli (Rikard Muho), 32 vjeç, lindur dhe banues ne Mbrostar Ura, Fier. Ndaj tij gjykata ka vendosur masën e sigurimit “Arrest në burg pa afat”, si i dyshuar për vrasjen e shtetasve Shpëtim Muka, Ervis Shehu dhe plagosjen e shtetasit Edvin Zanaj, ngjarje e ndodhur në datë 30.11.2006, ora 15:00 në lagjen 11 Janari të qytetit të Vlorës”, thuhej ne njoftimin e policise se Vlores ne vitin 2013.
