Përpara një viti fotografi e tij bëri xhiron e gjithë botës. Imazhet ishin tronditëse teksa shihej i mbuluar nga plagët dhe pluhuri. Por “Russia Today” ka nxjerr se fundmi disa pamje të cilat mund ti lumturojnë të gjithë ata që u trishtuan për gjendjen e vogëlushit Omran në Aleppo.
Babai i Omran Daqneesh, u ka thënë gazetarëve të televizionit “Russia Today” se mediat janë përpjekur të përfitojnë nga vuajtja e fëmijës së tij duke i keqpërdorur ato imazhe.
Muhammad tha se djali i tij ishte plagosur në bombardime, por militantët i kanë ekzagjeruar lëndimet e fëmijës, duke thënë të pavërteta, bile njëherë raportuan që ka vdekur më pas është ende gjallë.
Ai thotë, se djali i tij u fotografua, ndërsa ishte në shtëpi.
Më pas, ai ka akuzuar mediat se të gjitha shkrimet mbi djalin e tij i kanë bërë për propagandë dhe sipas interesit të tyre, teksa thekson se sapo ushtria siriane e ka çliruar Aleppon, familja e tij është dërguar në shtëpi.
Mediat perëndimore në vitin 2016 publikuan imazhe tronditëse të djalit Omran i cili është nxjerr nga një ndërtesë e bombarduar gjatë një sulmi ajror në Aleppo.
