Pas fjalëve të shumta për një lidhje mes Flori Mumajesit dhe Elvana Gjatës, është zbuluar lidhja e vërtetë e këngëtarit, por jo me Elvanën, me miken e saj Liberta Spahiu.
Dyshimet lindën që nga lëvizjet e shpeshta të Florit drejt Kosovës, ku mësohet se ka blerë dhe një shtëpinë Prishtinë.
Burime të “Bluetooth” të GSH, tregojnë se pikërisht dashuria e ka çuar kantautorin drejt vendit fqinj. Kjo arsye është përfolur edhe më herët në media, megjithatë ne kemi zbuluar se gjërat mes Florit dhe vajzës në fjalë kanë kaluar tashmë në një nivel tjetër.
Sipas burimeve, kantautori është duke bashkëjetuar me një prezantuese nga Kosova, në vilën e tij në një qendër rezidencash në periferi të Prishtinës.
Ai dhe bukuroshja në fjalë u bënë disa muaj që jetojnë bashkë dhe janë tejet të lumtur.
Sipas fqinjëve të tyre, Flori dhe moderatorja e famshme shihen gjithmonë bashkë dhe janë thuajse të pandashëm nga njëri-tjetri.
Por, ajo që e bën të veçantë këtë lidhje është fakti se vajza që i ka fituar zemrën Flori Mumajesit është pikërisht Liberta Spahiu, moderatorja aq shumë e përfolur për një lidhje me Getoar Selimin, e, gjithashtu, edhe një nga mikeshat më të mira të Elvana Gjatës.
Këngëtarja dhe prezantuesja e “Prive” ka pasur një marrëdhënie të afërt me Elvanën, e cila deri pak kohë më parë thuhej se ka pasur një romancë me Flori Mumajesin, lidhje që, në fakt, nuk është konfirmuar kurrë nga protagonistët.
Sidoqoftë, ajo që është e qartë tani është fakti se Elvana nuk ka më asnjë kontakt me ish-bashkëpunëtorin e saj të shumë viteve, e ndoshta edhe me mikeshën e saj.
Nga ana tjetër, Liberta dhe Flori po jetojnë dashurinë, e dëshmi për këtë është edhe festa e ditëlindjes së prezantueses.
Vetëm në fillim të këtij viti, moderatorja festoi ditëlindjen e saj në një nga koncertet e Florit në Kosovë, i cili natyrisht e ka surprizuar duke kënduar për të.
Asokohe, askush nuk kishte dijeni për këtë lidhje, e me gjasë nuk kanë kuptuar mes vargjeve dedikimet e Flori Mumajesit për të dashurën e tij.
