Pak më parë nga një miting në Reç të Malësisë së Madhe kryeministri Rama ka uruar liderin e opozitës për ditëlindjen “I paç 100 vitet ardhshme në gjumin më të ëmbël që dëshiron. Sinqerisht të uroj shëndet për fëmijët dhe familjen, gëzuar”.
Por duket se nuk është mjaftuar vetëm me një urim pasi mësohet se Rama i ka bërë Bashës edhe dhuratë për ditëlindjen.
Në oborrin e selisë së Partisë Demokratike është futur një makinë e dërguar nga kryeministria.
Portali newsbomb shkruan se Rama ka dërguar në zyrën e Bashës një kuti dhuratë për liderin e demokratëve. Nga burime pranë zyrës së kryeministrit, newsbomb.al zbulon se brenda saj kishte një shishe vere me porosi të Ramës, posaçërisht për 43 vjetorin e Bashës.
E kujt do t’i kishte shkuar ndërmend se sot, në ditën e lindjes Basha do merrte një dhuratë nga kundërshtari më i madh i tij politik?!
