Në Selanik, 72 mijë banorë u evakuuan nga qyteti. Shpërngulja e përkohëshme e popullsisë së qytetit të dytë më të madh të Greqisë bëhet për arsye sigurie. Autoritetet kanë vendosur të çaktivizojnë dhe largojnë një bombë të fuqishme të Luftës së Dytë Botërore.
Ekspertët xhenierë të ushtrisë do të përpiqen ta çaktivizojnë bombën në vendin ku është gjetur.
Operacioni do të zgjasë disa orë.
Banorët kanë nisur të evakuohen prej orëve të para të mëngjesit.
Ata do të dërgohen në shkolla, stadiume e ambiente të tjera në një rreze të paktën prej 2 kilometrash nga vendi ku është gjetur bomba. /Lapsi.al
