Një nga perlat e apleve shqiptare, Thethi, është në rrezik shkatërrimi nëse aty do të ndërtohen 6 hidrocentrale siç po projektohet. Pas protestës së banorëve të zonës të cilët po nënshkruajnë peticion kundër HEC-eve, Opinion.al u interesua për të mësuar më shumë rreth këtij investimi.
Bëhet fjalë për konsorcium “Shala Energy” që ka fituar koncensionin me afat 35 vjeçar për ndërtimin e 6 HEC-eve mbi lumin e Shallës. I vetmi shqiptar në këtë bashkim kompanish është biznesmeni i njohur kosovar, Ekrem Lluka. Lluka ka zhvilluar biznese jo vetëm në Kosovë por edhe në vende të tjera të rajonit. Atij iu tha nga Sali Berisha tenderi i HEC-ve mbi lumin e Shalës në vitin 2009. Për 5 vite nuk nisi asnjë investim ndaj sipas ligjit kontrata me shtetin shqiptar duhej të anulohej. Por nuk ka ndodhur kështu, edhe Qeveria Rama ia ka rinovuar kontratën Ekrem Llukës për të ndërtuar HEC-et në një nga zonat më të bukura në vend, në Theth.
Nga burimet mësohet se konsorsiumi po kërkon për partner biznesi dhe së shpejti do të nisë investimin. Ndërsa banorët e Thethit janë kategorikisht kundër ndërtimit të HEC-ve. Sipas tyre, hidrocentralet do të shkatërronin krejtësisht këtë zonë me bukuri të jashtëzakonshme natyrore që ka thithur në vite mijëra vizitorë, kryesisht të huaj. Ata po vazhdojnë të mbledhin firmat për peticion, në mënyrë që koncensioni të anulohet.
Vendimi i Qeverisë i vitit 2009 që i rinovua në 2015 nga qeveria Rama
“Dhënie me konçesion e formës “BOT” e Hidrocentraleve “Dukagjin 1,2,3”, me vlerë të parashikuar të projektit, 18.876.907.000 (tetembedhjete miliard e teteqind e shtatedhjete e gjashte milion e nenteqind e shtate mije) leke, kohëzgjatje të koncesionit 35 vjecare, me fitues, bashkimi i shoqerive “Interenergo Albania”shpk “Potenca Scupina”d.d dhe “SGP Pomgrad”d.d, kontrata eshte miratuar me VKM nr. 698, dt. 11.06.09, botuar ne fletoren zyrtare Nr. 113, dt.24.07.09”.
Të dhënat e Shalla Energy në uebsajtin zyrtar
SHALA ENERGY SHPK në Shqipëri është një kompani zhvillimi, operator i linjës 127,6 MË në lumin e Shalës në veri të Shqipërisë. SHALA ENERGY SHPK mban të gjitha të drejtat e koncesionit, dhënë nga qeveria shqiptare, për 35 vjet për ndërtimin dhe funksionimin e centralit në lumin Shala. Kompania është partneritet mes 3Poëer Energy Group USA, Falak Properties UAE and Interenergo Albania SHPK.
/Opinion.al
