TIRANE- Një lokal i ndodhur jo larg prokurorisë së Tiranës funksiononte si vend takimi mes prostitutave dhe klientëve. Bëhet fjalë për bar “Unik” që ndodhet në rrugën “Haxhi Hysen Dalliu”, rruga ndërmjet “Mine Pezës” dhe kryqëzimit të “Don Boskos”.
Pronarja, një 55 vjeçare me iniciale Xh.S u siguronte meshkujve dy vajza të reja që shisnin trupin e tyre në këmbim të parave. Disa agjentë të policisë gjyqësore të cilët kanë monitoruar lëvizjet në lokal dhe jashtë tij zbuluan se si funksiononte rrjeti.
Ata kapën në flagrantë njërën prej vajzave, punëtore seksi dhe një djalë 32 vjeç i cili pranoi se shkonte me të për 5 mijë lekë (të vjetra). Ai gjithashtu pranoi se lidhjen e kishte bërë pronarja e lokalit.
