Pak pas plagosjes së ndodhur mbrëmjen e sotme në qendër të Bilishtit, ku mbeti i plagosur rëndë shtetasi Erjon Çollaku, është zbuluar edhe autori i kësaj ngjarjeje. Bëhet fjalë për A.O., rreth 50 vjeç, i cili është knfilktuar me të plagosurin, dhe sherri ka degjeneruar deri në përdorimin e armëve.
Sipas policisë, ngjarja ka ndodhur për motive të dobëta.
Njoftimi:
“Rreth orës 19:30, jemi njoftuar se në një lokal në Bilisht, shtetasi A.O, rreth 50 vjeç, pas një konflikti për motive të dobëta, ka plagosur me armë zjarri shtetasin E.C. rreth 45 vjeç, të dy banues në Bilisht. Ky i fundit aktualisht po merr mjekim në Spitalin e Korçës, ku ndodhet në gjendje të rëndë shëndetësore”, njofton Policia.
45-vjeçari mësohet se është plagosur në bark.
Forcat e Policisë janë vënë në ndjekje të autorit dhe po punojnë për zbardhjen e rrethanave të ngjarjes dhe kapjen e tij, shtuan të njëjtat burime.
