Së fundmi u përfol se Kylie Jenner kishte prova se partneri i saj Travis Scott e ka tradhtuar me dikë tjetër. Mirëpo pavarësisht gjithçkaje, sipas “TMZ”, 21-vjeçarja vendosi të qëndrojë me 26-vjeçarin.
Ndërkohë ditën e sotme është zbuluar edhe arsyeja se pse Kylie dyshonte se e tradhtonte partneri. Një burim ka deklaruar për “People” se çifti ka debatuar me njëri-tjetrin pasi Kylie ka parë në telefonin e Travis diçka që nuk i ka pëlqyer.
“Ajo ishte e mërzitur në fillim, por tani është më mirë. Nuk po ndahet me të”, ka thënë në vijim burimi.
Të enjten, Kylie u pa duke shijuar një darkë me shoqet e saj edhe pse partneri i saj Travis kishte shtyrë koncertin në Buffalo, New York për të qëndruar pranë saj dhe për ta qetësuar pas dyshimeve.
Raportohet se reperi e ka cilësuar lajmin e tradhtisë si të pavërtetë dhe ka sqaruar se ishte vetëm një keqkuptim i madh.
“Drama” e re në familjen Kardashian-Jenner vjen pak kohë pasi lajmet se Khloe Kardashian u nda nga partneri pasi ai e kishte tradhëtuar me mikeshën e ngushtë të familjes, pushtuan të gjithë mediat rozë./E.M
