Deri më tani nuk ka pasur një njoftim zyrtar nga pallati mbretëror i Anlisë për emrin e princit të ri i cili erdhi në jetë disa ditë më parë. Teksa Kate dhe William i janë përkushtuar të porsalindurit, ata kanë refuzuar të japin detaje në lidhje me emrin e djalit të tyre.
Mirëpo kureshtarët nuk e kanë lënë me kaq. Ata kanë lëvizur çdo gurë, dhe mesa duket kanë gjetur atë që po presin të gjithë. Mesa duket princi i vogël është pagëzuar me emrin Albert, duke vijuar traditën e trashëgimit të emrave. Por si e gjetën njerëzit këtë detaj?
Nëse hyni në faqen mbretërore zyrtare të internetit, kur i shkruani emrat e vëllait dhe motrës së foshnjës mbretërore, princit George dhe princeshës Charlotte (p.sh. ëëë.royal.uk/prince-george), ju dërgon në një faqe ku shkruan “Ndalohet qasja”.
Kur shkruani “Princi-Albert” në atë adresë interneti, ju del e njëjta faqe me tabelën “Ndalohet qasja”.
Nëse shkruani një nga sugjerimet e tjera të emrit të bebes mbretërore në atë adresë interneti, si për shembull “Princi-Arthur”, ju dërgon në një faqe krejtësisht tjetër, ku shfaqet tabela me shkrimin “Faqja nuk u gjet”.
Fansat, ashtu si edhe presigjozia britanike Daily Mail, besojnë se kjo mund të jetë gjetje dhe se emri i foshnjes mbretërore është Princi Albert.
