Sikurse ishte paralajmëruar, qeveria amerikane ka lëshuar 2 800 dosje të klasifikuara për vrasjen e Presidentit John F Kennedy më 1963.
Presidenti Donald Trump tha se publiku meriton të jetë “plotësisht i informuar” për ngjarjen, e cila ka qenë subjekt i shumë teorive konspirative.
Por disa dokumente janë ndalur me kërkesë të agjencive qeveritare.
Një memo zbuloi se FBI kishte paralajmëruar policinë për një kërcënim me vdekje ndaj vrasësit Lee Harvey Oswald.
“Ne menjëherë e njoftuam shefin e policisë dhe ai na siguroi se Osvaldit do t’i jepej mbrojtje e mjaftueshme”, shkruan drejtori i FBI J Edgar Hoover.
Oswald, një ish-marins dhe i vetëshpallur si Marksist, u qëllua për vdekje në bodrumin e Departamentit të Policisë në Dallas, dy ditë pasi presidenti Kennedy u vra.
Në gjetjet e tjera nga dokumentet e zbuluara sipas BBC-së, përfshinjë një memo të CIA-së që sugjeron se Oswald foli me një oficer të KGB në ambasadën ruse në Mexico City.
Memorandumi thotë se oficeri i KGB-së, shërbimi sekret sovjetik, foli me të se punonte për një departament “përgjegjës për sabotimin dhe vrasjen”.
Një tjetër memorandum tregoi se zyrtarët sovjetikë kishin frikë se një “gjeneral i papërgjegjshëm” do të niste një raketë në BRSS pas vdekjes së Presidentit Kennedy.
Një dokument tjetër tregon se si një gazetë rajonale britanike, Cambridge News, mori një telefonatë anonime rreth “disa lajmeve të mëdha” në SHBA, pak minuta pas vrasjes.
Një kopje e memorandumit u lirua nga Arkivat Kombëtare në SHBA në korrik, por nuk ishte raportuar.
Presidenti Kennedy u qëllua për vdekje më 22 nëntor 1963 ndërsa udhëtonte nëpër Dallas në një limuzinë të hapur.
Një ligj i vitit 1992 i miratuar nga Kongresi kërkoi që të gjitha të dhënat lidhur me vrasjen, rreth 5 milionë faqe, të publikohen plotësisht brenda 25 viteve.
Afati ishte të enjten.
Më shumë se 90% e dosjeve ishin tashmë në domenin publik.
Disa dokumente të redaktuara po kalojnë një shqyrtim të mëtejshëm gjashtë mujor, por është e mundur që ato të dhëna të mbeten të fshehta pas afatit të fundit më 26 prill të vitit të ardhshëm.
Presidenti, sipas zyrtarëve të Shtëpisë së Bardhë, ngurronte të pranonte kërkesat e agjencisë për të mbajtur dokumentet e mbetura.
Të dhënat janë publikuar në faqen e internetit të Arkivave Kombëtare.
