I njohur për aktivitetin e tij në rrjetet sociale po aq sa edhe për suksesin e klinikës që drejton, dr. Skerdi është kthyer tani në personazh edhe për diskutimet, ndonjëherë madje konfliktuale, me ndjekësit e tij në rrjetet sociale. Dhe ja ku shfaqet sërish në debat me një ndjekëse në profilin e tij në Facebook.
Pas diskutimeve për operacionet plastike dhe suksesin e klinikës KEIT, befas, dr. Skerdi ka rrëfyer edhe disa elementë nga jeta e tij, ku në fakt duhet pranuar se ka qenë tejet i rezervuar.
Nëse sot e shihni në kostum e kravatë, mos u çudisni të mësoni se dikur student ne fakultetin e mjekësisë në vitet ’90 doktori, pas leksioneve, shpesh i kalonte pasditet duke shitur benzinë dhe vaj makinash në rrugën Dritan Hoxha, pak më poshtë nga vendi ku sot gjendet zyra e tij.
E si për të na konfirmuar edhe një herë që rruga e tij deri në pozicionin më të lartë drejtues të klinikës KEIT nuk ka qenë e lehtë, dr. Skerdi ka pranuar që edhe në Itali ka punuar paralelisht teksa studionte. Specializant mjekësie ai pohon se ka punuar si kamerier për të siguruar të ardhurat e nevojshme për të përfunduar shkollën dhe për të jetuar në Romë, qytetin nga ku më pas sërish do të projektohej në Tiranë.
