Mediat amerikane kanë shkruar se pretendimi i Rusisë se i biri i presidentit amerikan, Joe Biden, Hunter, “financonte laboratorët biologjikë në Ukrainë” bazohet në fakte të vërteta.
Në një artikull të publikuar New York Post shkruan se pretendimet janë verifikuar nga një tufë e-mailesh të gjetura nga në laptopin e Hunter Biden.
Të dhënat që vijnë nga kompjuteri i djalit të presidentit amerikan ekzistenca e të cilit u raportua ekskluzivisht nga The Post në tetor 2020 – zbuluan se ai ka ndihmuar një kontraktor të mbrojtjes në Kaliforni të analizonte armët biologjike në Ukrainë.
Moska ka pohuar se laboratorët sekretë amerikanë të luftës biologjike në Ukrainë ishin një justifikim për pushtimin e saj të vendit fqinj muajin e kaluar. Ndërkohë të enjten Rusia pretendoi se laboratorët prodhonin armë biokimike me urdhër të familjes Biden.
“Vetë presidenti amerikan Joe Biden është i përfshirë në krijimin e biolaboratorëve në Ukrainë”, tha kryetari i Dumës së Shtetit të Rusisë, Vyacheslav Volodin, sipas mediave shtetërore.
“Hunter Biden financoi kërkimin dhe zbatimin e programit biologjik ushtarak të Shteteve të Bashkuara. Është e qartë se Joe Biden, si babai i tij dhe kreu i shtetit, ishte i vetëdijshëm për atë aktivitet”, vazhdoi Volodin, duke i kërkuar një hetim Kongresit amerikan dhe një shpjegim nga Shtëpia e Bardhë.
Zyrtarët e inteligjencës amerikane kishin hedhur poshtë mesazhet e Rusisë duke thënë se janë propagandë lufte, duke shpjeguar se rrjeti i laboratorëve biologjikë të Ukrainës kushtuar kërkimit të patogjenëve nuk ishte sekret dhe kishte marrë publikisht financime nga Uashingtoni.
Megjithatë, pretendimi i ri i Rusisë djali i Joe Biden ishte i përfshirë në mbledhjen e parave për projektet biolab në Ukrainë ishte i saktë, sipas e-maileve, të marra fillimisht nga The Post dhe të raportuara nga The Daily Mail të Premten.
Grupi Rosemont Seneca Technology Partners investoi 500,000 dollarë në kompaninë e kërkimit të patogjenëve në San Francisko Metabiota dhe mblodhi miliona të tjera përmes firmave që përfshinin Goldman Sachs, thuhet në e-mail-et e laptopit të Hunter, i cili ishte braktisur në një dyqan riparimi kompjuterësh në Delaëare në prill 2019, nga ku dolen te dhenat.
Aty thuhet se Hunter prezantoi zyrtarët e Metabiotën me ata të grupit energjitik Burisma, kompania ukrainase e gazit, ku ai vetë ishte anëtar bordi, për një “projekt shkencor” që përfshin biolabat në Ukrainë.
Një dokument nga një zyrtar i Metabiota drejtuar djalit tënënpresidentit të atëhershëm në 2014 tha se kompania mund të “pohonte pavarësinë kulturore dhe ekonomike të Ukrainës nga Rusia”.
Zëvendës/presidentja e Metabiota, Mary Guttieri, i shkruante gjithashtu Hunterit për çështje gjeopolitike që përfshijnë kërkimin e kompanisë në ish-republikën sovjetike në prill 2014, dy muaj pasi Rusia pushtoi dhe aneksoi rajonin e Krimesë.
“Siç premtova kam përgatitur një përshkrim nga Metabiota, për angazhimin tonë në Ukraine, dhe sesi mund të ndihmojmë grupin tonë, të zgjerojmë rrjetin, dhe për të imponuar pavarësinë ekonomike e kulturore të Ukrainës nga Rusia, dhe integrimin e saj në shoqërinë perëndimore”, shkruan zv. shefja.
SHBA dha grantin $23.9 milionë për Metabiota në fund të 2014, nga të cilat $307,091 ndaheshin shprehimisht për “projekte kërkimi në Ukrainë,” shkruajnë të dhënat publike në SHBA.
Prej vitit 2010 grupi i quajtur B&V ishte kontraktuar për të ndërtuar një laborator në Odessa, për “rritjen e sistemeve të survejimit, raportimit e reagimit për sulme bio-terroriste, epidemi ose pandemi”.
Sipërmarrjet e Hunter Biden kishin rënë në sy të një ish-oficeri të CIA-s.
“Babai i tij ishte zv.president i SHBA dhe përgjegjës për marrëdhëniet me Ukrainën, ndërsa Hunter anëtar bordi i një kompanie të dyshimtë gazi në Ukrainë e gjithashtu i lidhur me kërkime bio-ushtarake,” tha Sam Faddis .
“Sigurisht që Rusia mund të përfitojë nga një propagandë e tillë, por kjo nuk ndryshon faktin se këtu ka diçka që nuk shkon”, shton hetuesi.
“Pse është Hunter Biden në mes të gjithë kësaj? Përse ndërhyn këtu djali i papunë i zv. presidentit, që nuk ka ndonjë aftësi të deklaruar, përveç varësisë nga kokaina?”, shkruan e përditshmja britanike.
52 vjeçari Hunter Biden, është duke u hetuar aktualisht për evazion fiskal në ndërmjetësime biznesi i lidhur me karrierën politike të të atit.
Hetimi u zgjerua në vitin 2018 për të parë se si marrëdhëniet e tij të biznesit ndërkombëtar si lobist dhe investitor përputheshin me karrierën politike të babait të tij. Ai ka mohuar akuzat për parregullsi./Opinion.al
