Detaje të tjera janë zbuluar për makinën e cila u gjet e djegur dje në Elbasan. Sipas “BalkanWeb”, mësohet se automjeti “Benz” me targa AA 663 GF ishte në pronësi të Xhevahir Hoxhës, banues në Tiranë. Mjeti është gjetur i djegur pa targa, ndërsa figuron një denoncim për vjedhjen e tij në Tiranë.
Ky është automjeti i dytë i cili gjendet i djegur në qytetin e Elbasanit. Automjeti i parë u gjet në lagjen “Emin Matraxhiu”, dhe dyshohet se u përdor nga atentatorët që hapën zjarr ndaj fisit Çapja.
Për njërin prej tyre policia ka konfirmuar zyrtarisht se u përdor gjatë një atentati të dështuar në lagjen “Emin Matraxhiu” ndërsa për rastin e makinës që u gjet e djegur rreth orës 23.00 të së shtunës në lagjen ‘Kala’ po heton dhe dyshimet e para janë që edhe ky mjet të jetë përdorur nga ndonjë person ose grup me aktivitet kriminal.
