Ditën e sotme u arrestua 25-vjeçari Rexhep Rraja, djali i deputetit socialist Rrahman Rraja.
Ai akuzohet nga Gjykata e Krujës, për dhunim dhe përndjekje ndaj ish të dashurës së tij Xhisela Maloku. Mësohet se Prokurorja Mirela Kapo ka kërkuar sot nga gjykata e Krujës arrestimin e Rrajës dhe gjykata ka pranuar kërkesën e saj.
Vendimi u ekzekutua menjëherë nga punonjësit e policisë, ndërsa i akuzuari ndodhet në komisariat. Vendimi i gjykatës vjen edhe pas administrimit të aktit të ekspertizës për të renë e dhunuar dhe e torturuar nga Rraja. Ditën e djeshme Rexhep Rrahja është përballur me Xhisela Malokun, nga ku kanë dhënë dëshmi kontradiktore.
Gjithashtu në pyetja janë marrë nëna dhe motra e Malokut, si edhe të afërm të Rrajas. Ai tashmë do duhet të përballet me gjykatën për dhunën e ushtruar ndaj të resë, e ndodhur që në muajt e verës por e mbajtur e fshehur.
Shërbimi për Çështjet e Brendshme dhe ankesat nisi një hetim për veprimet e mosveprimet e policisë me këtë rast. Pas 72 orësh Rexhep Rraja do të dal në gjykatë për masën e sigurisë.
Disa detaje të reja janë janë zbuluar në lidhje me arrestimin e Rexhep Rrajës. Mësohet se ai është arrestuar sot paradite pranë një biznesi makinash me qira në Rinas. Në momentin e arrestimit, i riu nuk ka bërë rezistencë.
Dhunimi i vajzës u bë publik pak ditë më parë, kur oficeri i policisë Emiljano Nuhu dëshmoi për dhunën e ushtruar ndaj vajzës së re dhe akuzoi policinë për neglizhencë si dhe tregoi se ishte kërcënuar me armë në prani të deputetit Taulant Balla. /Opinion.al
