Gazetari Kastriot Dervishi i njohur për hulumtimin e tij në arkiva, kryesisht në ato të periudhës postkomuniste, ka bërë publik një status në profilin e tij në facebook, ku rrëfen për herë të parë fjalët që këngëtarja Alida Hisku shkruajti në ditarin e saj gjatë një udhëtimi në Konispol, ku nxinte kushtet e akomodimit. Janë këto fjalë të zbuluara që më pas do të çonin në dënimin dhe largimin e Alida Hiskut nga skena.
Alida Hisku zhvilloi praktikën mësimore në Konispol nga data 19.5.1982 deri më 12.6. 1982. Ajo bënte pjesë në grupin e katërt të vitit të parë të Shkollës së Partisë. Guxoi të shkruajë disa të vërteta. Fjalët që ka shkruar në në ditarin e saj të kallëzuar te pedagogët, kanë qenë:
-Hipëm në tren në orën 5.30 për tu nisur në skëterrë.
-Vajtëm në Konispol dhe hëngrëm bukëzezën.
-Hëngra drekën si menuja e burgut dhe tani e shtrirë mbi këtë qivur të mykur.
-Ky krevati është si i lagur dhe vjen era myk, megjithatë jam detyruar të fle me të.
-Shkuam në një mbledhje budallenjsh që zgjati gjithë ditën si për inatin tonë.
-Më duket vetja sikur më kanë sjellë në riedukim.
