Studimet e fundit të kryera nga universitete dhe institute të shumta në SHBA, Izrael dhe Evropë kanë zbuluar se bima e Marijuanës ka potencial të jashtzakonshëm për të trajtuar dhe kuruar një gamë të gjërë semundjesh. Këto studime kanë zbuluar se bima e marijuanës ka rreth 500 kombinime kimike, një pjesë e tyre të quajtura Kanabioide. Këto kanabioidë kryesisht janë të ndarë në dy famile, në T.H.C dhe C.B.D. Familja e T.H.C-së e cila ka efektin psikoaktiv, pra të bën “High” ose “Dru” dhe C.B.D-ja që nuk jep efekt të tillë, por ka efekte të tjera në trupin e njeriut. Secili nga këta kanabioidë ka vetitë e veta, që nga ndalimi i rritjes së qelizave kancerogjene, uljen e dhimbjeve, uljen e krizave epileptike, rritjen e oreksit dhe uljen e nauzës. Nuk është çudi që një nga përdorimet më të përhapura sot në Amerikë të marijuanës mjeksore është për të ndihmuar pacientët që kryejnë kemioterapinë, duke i ndihmuar me oreksin dhe të vjellat, dhe më të rendësishmen, bllokimin e rritjes së qelizave kancerogjene.
Tabela e kanabioidëve dhe vetitë e tyre
Shumë njerëz mendojnë se marijuana vetem tymoset por nuk është ashtu. Përdorimi mjeksor ekstrakton vajrat e bimës duke i kthyer në një lloj shurupi që merret me pika. Pra marijuana mjeksore NUK TYMOSET. Ekstraktimi bën të mundur edhe ndarjen e kanabioidëve të cilët mund të merren veçmas. Pra mund të kurohesh me C.B.D. që nuk jep efekt psikoaktiv, ose me C.B.D-a, C.B.G, C.B.G-a etj. Por edhe T.H.C-ja ka veti kuruese. Me një dozim të saktë, efekti psikoaktiv relaksues që T.H.C.-ja e pastër jep, ndihmon për dhimbjet, stresin, spazmat muskulare dhe stimulon oreksin.
Djegja e kanabisit pra “tymosja” transformon gjëndjen e kanabioidëve si p.sh. T.H.C. kthehet në T.H.C./Delta-9, dhe shumë veti të T.H.C.-së së pastër humbasin.
Gjithashtu rritja e kanabisit me pesticide dhe kimikate të ndryshme jep shpesh efekte jo të këndshme kur tymoset.
(kjo ishte për ata që “tymosin” marijuana)
Historitë e familjeve që kanë kuruar fëmijët e tyre me marijuanën mjeksore po bëhen gjithmonë e më të shumta. Fëmijë me kriza epileptike që nuk janë ndihmuar nga mjeksia tradicionale kanë provuar kurën alternative të marijuanës, dhe shumë prej tyre kanë treguar përmirësime të menjëherëshme.
Po kur kjo bimë qënka kaq e mrekullueshme pse është e ndaluar do thoni ju?
Prohibicioni i marijuanës ka nisur në Amerikë në fillim të shekullit XIX duke arritur kulmin në vitin 1930 ku marijuana u klasifikua si DROGE e kategorisë parë, bashkë me Heroinën, Kokainën, LSD etj. Nga ky vit u krijua e ashtuquajtura “Lufta kundër Drogës” që detyroi ndryshimin e ligjeve mbi marijuanën në gjithë botën. Ky klasifikim non-sens dhe i padrejtë është akoma në fuqi, por jo dhe për shumë kohë. Marijuana po legalizohet plotësisht ose pjesërisht për përdorim mjeksor në gati gjysmat e shteteve në amerikë. Atje ku ka nisur ky prohibicion me sa duket atje dhe do të marri fund. Ashtu siç mori fund dhe prohibicioni i alkoolit. Mesa duket shumë njerëz kanë filluar të mendojnë: në një botë ku janë legale dy drogërat me vdekjeprurëse të njerzimit, si duhani dhe alkoholi me shifra marramëndëse vdekjesh dhe sëmundjesh potenciale, të ndalosh marijuanën (edhe për përdorim mjeksor) është një marrëzi.
T.R.
