SPAK ka ngritur sot akuzat për 7 persona lidhur me dy vrasje të ndodhura në shkurt të vitit 2005.
Mes emrave të akuzuar, arrestuar dhe shpallur në kërkim gjenden edhe Lulzim Berisha dhe Emiljano Shullazi, personazhe të njohur të botës së krimit në vend.
E ftuar në emisionin “Opinion”, gazetarja Klodiana Lala tha se sipas burimeve të SPAK, ka një dëshmitar të penduar, rrëfimi i të cilit lidh vrasjen e Klodian Spahiut më 26 shkurt 2005 dhe një ditë më pas vrasjen e Vajdin Lamaj.
“SPAK pretendon se ka një dëshmitar të penduar që ka rrëfyer dhe lidh dy ngjarjet mes tyre. Të gjithë këto emra personi i penduar, të cilin e kemi intervistuar para disa vitesh në një burg të sigurisë së lartë. Një intervistë që kemi bërë unë dhe Artan Hoxha, nuk e kemi transmetuar, sepse në pamje të parë dëshmia që jepte personi i penduar, nuk na bazohej në asnjë dokument zyrtar. Më pas personi i penduar është shoqëruar të paktën 10 herë në Prokurorinë e Krimeve të rënda dhe është marr edhe në mbrojtje brenda ambienteve të burgut”, tha Lala./Opinion.al
