Denis Zaka është autori i vrasjes së kushëririt të tij në Larisa të Greqisë. Ngjarja është zbardhur pasi autori ishte paraqitur në polici si “i pafajshëm” për të denoncuar vrasjen “nga të tjerë” të Vladimir Murrizit.
Pasi Denis Zaka u paraqit në komisariatin e Fierit së bashku me babain e kushëririt për të denoncuar se Vladimir Murrizin e kishin vrarë policia dëgjoi dëshminë e tij dhe mblodhi provat që faktojnë se autori ishte pikëisht ai, denoncuesi.
Denis Zaka dhe Vladimir Murrizi kanë jetuar bashkë në Greqi. News 24 raporton se dy kushërinjtë kishin shkuar për të vjedhur një frezë për të punuar tokën pranë stanit ku ata punonin barinj, por në gjendje të dehur kanë përfunduar në ofendime të rënda. Viktima i ka thënë autorit se “gruaja jote është kurvë”. Kaq ka mjaftuar që ai ta godasë me thikë.
Të njëjtat burime saktësojnë se ditën e krimit, rreth orës 23:00, Vladimiri (viktima) ka shkuar tek Denisi (autori) dhe i ka kërkuar ta ndihmonte për të kryer vjedhjen e frezës. Fillimisht dy kushërinjtë kanë konsumuar alkool në një lokal e më pas janë nisur për të kryer grabitjen.
Pas këtij konflikti Vladimiri e qëllon me hekur Denisin, ndërsa ky i fundit e qëllon me thikë duke i shkaktuar edhe vdekjen. Më pas e ka varrosur në një përrua, është larguar dhe ka telefonuar të afërmit.
Pas rrëfimit në polici, autoritetet shqiptare i komunikuan policisë greke për vendin ku ishte groposur Vladimir Murrizi, ku edhe u gjet trupi i pajetë./Opinion.al
