Zbardhet ngjarja e vrasjes së Elis Rroshkodolit në Shkodër. Mësohet se një person është vënë në prangat e policisë ne lidhje me vrasjen e regjistruar pak ditë më parë.
I arrestuari i cili identifikohet me nicialet Xh.M, mësohet se ka ndihmuar autorin dhe nuk dyshohet se është si ekzekutuesi.
Sipas të dhënave nga blutë e Shkodrës janë shoqëruar në polici disa persona të cilët kanë dhënë detaje në lidhje me këtë atentat të ndodhur në rrugën “Isuf Sokoli” në Shkodër çka ka ndihmuar në zbardhjen e të dhënave për këtë ngjarje.
Pritet të ketë një komunikim zyrtar nga policia e Shkodrës në lidhje me detajet e hetimeve.
