Është zbardhur skema që çoi në pranga pastruesen Elida Kodra në Tiranë.
Sipas abc news denoncimi është bërë nga një çift të moshuarish 3 ditë më parë dhe ata kanë qenë të bindur se paratë ishin marrë nga pastruesja.
Ditën që ajo u rikthye në banesë për të pastruar, policia i kishte përgatitur një rreng në bashkëpunim me pronarët.
Një sasi parash ishin vendosur në një vend dhe është mbajtur në mbikëqyrje derisa i ka futur sërish në çantë.
Gjatë kontrollit i janë gjetur paratë dhe në dëshminë para policisë ka pranuar se ka qenë ajo autore e vjedhjes së valutave të ndryshme.
Në një njoftim më herët policia bëri me dije se gjatë javës së fundit, ajo ka vjedhur në banesën e ndodhur në rrugën “Vaso Pasha” 2000 euro, 300 dollarë dhe 35 000 lekë të rinj.
Gjithashtu, gjatë kontrollit të çantës së saj iu gjetën 840 euro, 600 dollarë dhe 40 900 lekë të rinj.
