Janë zbardhur përgjimet ambientale mes pastrueses Rozeta Dobi dhe djalit të saj, Havier Dobi, të cilat çuan në zbulimin nga ana e policisë së shumës prej mbi 400 mijë eurosh të fshehura në tubim e aspirimit, në banesën e Rozeta Dobit.
Në përgjimet e siguruara, kuptohet se Rozeta i ka thënë të birit se do e merrte vetë përsipër fajin, ndërsa i biri i është përgjigjur se me lekët që kanë në shtëpi do e nxjerrë të ëmën nga burgu.
PERGJIMI
Havieri: Çfarë ke thënë ti për mu?
Nena: Asgjë, do rri unë këtu (Nënkupton se do ta marrë ajo përsipër vjedhjen)
Havieri: Leket atje lart të shtëpia do to nxjerr unë
(Bazuar në këtë fjali është urdhëruar kontroll i dytë ku u gjetën paratë e tjera në tubin e aspirimit)
Po ashtu në përgjime dëgjohet se më pas Rozeta kritikon të birin se pse ka tërhequr shumë para. Ndërkohë që ai i përgjigjet se; Kam tërhequr vetëm 50 mijë, duke nënkuptuar euro.
